Dicembre 10, 2019

    Login to your account

    Username *
    Password *
    Remember Me

    In limba

    In limba
    Stella inattivaStella inattivaStella inattivaStella inattivaStella inattiva

    Su 4 de Aprile de su 1297, in Santu Predu de Roma, Jacu II Su Zustu, re de s'Aragona, at retzidu da Papa Bonifacio VIII sa simbolica coppa de oro chi lu proclamabat, de lumene, “Dei gratia rex Sardiniae et Corsicae”, pro grassia de Deus re de Sardigna e Corsica. S'attu fit iscrittu su 5 de Aprile e narabat chi su regnu de Sardigna e Corsica apparteniat a sa Cresia ca l'abiat istituidu; ma beniat dadu pro semper, arrè, a sos res de sa Corona de Aragona in cambiu de su zuramentu de Bassallaggiu, de su Servissiu de chimbighentos fantes e chentu caballeris, de su pagamentu de duamiza marcos de prata cad'annu. S'ateru pattu mannu fit chi su rennu non depiat esser mai dibibidu.

    Custa detzisione de Papa Bonifacio VIII, chi abiat pigadu isse e tottu, motu proprio, at permittidu de risorbere sa gherra de su “Vespro” tra Aragonesos cun sa paghe de Anagni. Dae como sos Aragonesos poden picare possessu de sa Sardigna ma amus a bier ci non bastabat sa bolla papale, ma at cherfidu gherras longas e lottas contra a sos sardos, chi non si cherian lassare ponner su pede supra, dae rennos istranzos. 28 Aprile 1794: custa data est considerada Sa Die de sa Sardigna pro ammentare chi sos sardos ch'an bogau sos funzionarios piemontesos e su vicerè. Sa ribellione de su 28 aprile, est partida dae su malumore de su populu ca su re Vittorio Amedeo III no at tentu contu de sas dimandas chi una Delegatzione de sos istamentos l'aian fattu.

    Share


    X

    Right Click

    No right click